Home | Index of Poets Ibrahim Zauq

laa_ii hayaat aaye qazaa le chalii chale


laa_ii hayaat aaye qazaa le chalii chale 
na apanii Khushii aaye na apanii khushii chale 

[qazaa=death] 

behatar to hai yahii ke na duniyaa se dil lage 
par kyaa kare.n jo kaam na bedillagii chale 

ho umr-e-Khizr bhii to kahe.nge ba_vaqt-e-marg 
ham kyaa rahe yahaa.N abhii aaye abhii chale 

[ba_vaqt-e-marg=at the time of death] 

duniyaa ne kis ka raah-e-fanaa me.n diyaa hai saath 
tum bhii chale chalo yuu.N hii jab tak chalii chale 

[fanaa=cessation of life, end] 

naazaa.N na ho Khirad pe jo honaa hai vo hii ho 
daanish terii na kuchh merii daanishvarii chale 

[naazaa.N hona=to be proud; Khirad=intellect]
[daanish=intellect] 

kam ho.nge is bisaat pe ham jaise bad_qimaar 
jo chaal ham chale vo nihaayat burii chale 

jaa ki havaa-e-shauq me.n hai.n is chaman se 'Zauq' 
apanii balaa se baad-e-sabaa kahii.n chale 

[baad=wind] 

Home | Index of Poets Ibrahim Zauq
Maintained by Nita Awatramani
URL: http://www.urdupoetry.com
Last updated on: 6th June, 2001