Home | Index of Poets Zahra Nigaah

jo dil ne kahii lab pe kahaa.N aa_ii hai dekho


jo dil ne kahii lab pe kahaa.N aa_ii hai dekho
ab mahafil-e-yaaraa.N me.n bhii tanhaa_ii hai dekho

phuulo.n se havaa bhii kabhii ghabaraa_ii hai dekho
Guncho.n se bhii shabanam kabhii kataraa_ii hai dekho

ab zauq-e-talab vajah-e-junuu.N Thair gayaa hai
aur arz-e-vafaa baa_is-e-rusvaa_ii hai dekho

[vajah-e-junuu.N = reason for madness]
[baa_is-e-rusvaa_ii = reason for disgrace/disrepute]

Gam apane hii ashko.n kaa Khariidaar huaa hai
dil apanii hii haalaat kaa tamaashaa_ii hai dekho

Home | Index of Poets Zahra Nigaah
Maintained by Nita Awatramani
URL: http://www.urdupoetry.com
Last updated on: 1st March, 2002