Home | Index of Poets Zubair Rizvi

Guruub-e-shaam hii se Khud ko yuu.N mahasuus karataa huu.N


Guruub-e-shaam hii se Khud ko yuu.N mahasuus karataa huu.N
ki jaise ik diyaa huu.N aur havaa kii zad pe rakhaa huu.N

chamakatii dhuup tum apane hii daaman me.n na bhar lenaa
mai.n saarii raat pe.Do.n kii tarah baarish me.n bhiigaa huu.N

ko_ii TuuTaa huaa rishtaa na daaman se ulajh jaaye
tumhaare saath pahalii baar baazaaro.n me.n nikalaa huu.N

ye kis aavaaz kaa bosaa mere ho.nTho.n pe kaa.Npaa hai
mai.n pichhalii shab sadaao.n kii halaavat bhuul baiThaa huu.N

bichha.D ke tum se mai.n ne bhii ko_ii saathii nahii.n Dhuu.NDhaa
hujuum-e-rah_guzar me.n duur tak dekho akelaa huu.N

Home | Index of Poets Zubair Rizvi
Maintained by Nita Awatramani
URL: http://www.urdupoetry.com
Last updated on: 25th January, 2003