Home | July'98 Index

A ghazal by Saifuddin Saif

qariib maut kha.Dii hai, zaraa Thahar jaao
qazaa se aa.nkh la.Dii hai, zaraa Thahar jaao

[qazaa = death]

thakii thakii sii fazaa_e.N, bujhe bujhe taare
ba.Dii udaas gha.Dii hai, zaraa Thahar jaao

nahii.n ummiid ki ham aaj kii sahar dekhe.n
ye raat ham pe ka.Dii hai, zaraa Thahar jaao

abhii na jaao ki taaro.n kaa dil dha.Dakataa hai
tamaam raat pa.Dii hai, zaraa Thahar jaao

dam-e-firaaq me.n jii bhar ke tum ko dekh to luu.N
ye faisale kii gha.Dii hai, zaraa Thahar jaao

[dam-e-firaaq = moment of separation]

---------------------------------------------------------------------
List owner's Message:

I will not be sending any ghazals over any weekends. The next ghazal 
will be sent on Monday, 6th July, 1998. Happy 4th of July weekend!