Home | July'98 Index

A Gazal by Qateel Shifai:


pyaas vo dil kii bujhaane kabhii aayaa hii nahii.n
kaisaa baadal hai jisakaa ko_ii saayaa bhii nahii.n

beruKhii is se ba.Dii aur bhalaa kyaa hogii
ek muddat se hame.n us ne sataayaa bhii nahii.n

[This is probably the best sher of the ghazal - "husn-e-ghazal"]

roz aataa hai dar-e-dil pe vo dastak dene
aaj tak hamane jise paas bulaayaa bhii nahii.n

sun liyaa kaise Khudaa jaane zamaane bhar ne
vo fasaanaa jo kabhii hamane sunaayaa bhii nahii.n

[tum to shaayar ho 'Qateel' aur vo ik aam saa shaKhs
us ne chaahaa bhii tujhe aur jataayaa bhii nahii.n