Home | August '98 Index

Meer Taqi Meer ki Gazal pesh-e-Khidmat hai:


'Mir' dariyaa hai, sune sher zabaanii us kii
allaah allaah re tabiyat kii ravaanii us kii

mi.nh to bochhaa.D kaa dekhaa hai barasate tumane
isii a.ndaaz se thii ashk-fishaanii us kii

[mi.nh = water]

baat kii tarz ko dekho to ko_ii jaduu thaa
par milii Khaak me.n sab sahar bayaanii us kii

[sahar = magic]

marsi-e-dil ke ka_ii kah ke diye logo.n ne
shahar-e-dillii me.n hai sab paas nishaanii us kii

[marsiyaa = song/poem of mourning/elegy]

ab gaye us ke jo afasos nahii.n kuchh haasil
haif sad haif ki kuchh qadr na jaanii us kii

[haif = alas!; sad = hundred]


We are one month old!!! A new month, a new feature. For the next few 
weeks, we shall be focusing on one poet per week. This week we 
shall be featuring Meer Taqi Meer's ghazals. Hope you enjoy it.