Home | November '98 Index

Alam Tab Tashna saahab kii Gazal pesh-e-Khidmat hai. This Gazal, 
ike the last few Gazals sung by Abida Parveen, are from the album 
"Aap ki Khidmat men" courtesy Pakistan TV Corp.



is raah-e-muhabbat me.n tuu saath agar hotaa
har gaam pe gul khilate Khushbuu kaa safar hotaa

[gaam = step]

uThataa mere pahaluu se vo mehr-e-shanaasaa_ii
ik roz to aisaa bhii aaGaaz-e-sahar hotaa

[shanaasaa_ii = acquaintance; aaGaaz = start]

ashk-e-sar-e-mizshgaa.N ko chun letaa vo palko.n se
ik roz to aisaa bhii diidaa-e-tar hotaa

[mizshgaa.N = eyelid; diidaa-e-tar = eyes filled with tears]

ye tark-e-ta'alluq kii sun lete nasihat bhii
"Tashna" jo ko_ii us kaa mahabuub-e-nazar hotaa

[tark-e-ta'alluq = to give up acquaintanceship; nasihat = advice]