Home | March '99 Index

Date: 09-Mar-99
Poet: Shakeel Badayuni

shaayad aaGaaz huaa phir kisii afasaane kaa
hukm aadam ko hai jannat se nikal jaane kaa

[[aaGaaz = beginning]

un se kuchh kah to rahaa huu.N magar allaah na kare
vo bhii mafahuum na samajhe mere afasaane kaa

[mafahuum = meaning]

dekhanaa dekhanaa ye hazarat-e-vaa_iz hii na ho.n
raastaa puuchh rahaa hai ko_ii maiKhaane kaa

beta'alluq tere aage se guzar jaataa huu.N
ye bhii ek husn-e-talab hai tere diivaane kaa

[beta'alluq = without acknowledgement; husn-e-talab = way of 
wanting/desiring]

hashr tak garmii-e-ha.ngaamaa-e-hastii hai "Shakeel"
sil-silaa Khatm na hogaa mere afasaane kaa

[hashr = day of judgement]