Home | June '99 Index

Date: 11-Jun-99
Poet: Munir Niazi

zi.ndaa rahe.n to kyaa hai jo mar jaae.N ham to kyaa
duniyaa me.n Khaamoshii se guzar jaae.N ham to kyaa

hastii hii apanii kyaa hai zamaane ke saamane
ek Khvaab hai.n jahaa.N me.n bikhar jaae.N ham to kyaa

ab kaun mu.ntazir hai hamaare liye vahaa.N
shaam aa ga_ii hai lauT ke ghar jaae.N ham to kyaa

[mu.ntazir = waiting]

dil kii Khalish to saath rahegii tamaam umr
dariyaa-e-Gam ke paar utar jaae.N ham to kyaa