Home | June '99 Index

Date: 30-Jun-99
Poet: Hasrat Mohani

dekhanaa bhii to u.nhe.n duur se dekhaa karanaa
shevaa-e-ishq nahii.n husn ko rusavaa karanaa

[shevaa = tradition/way]

ik nazar hii terii kaafii thii ki ai raahat-e-jaan
kuchh bhii dushvaar na thaa mujhako shikebaa karanaa

[raahat = relief; shikebaa = console/to make one patient]

un ko yaa.N vaade pe aa lene de ai abr-e-bahaar
jis tarah chaahanaa phir baad me.n barasaa karanaa

[yaa.N = here]

kuchh samajh me.n nahii.n aataa ki ye kyaa hai "Hasrat"
un se milakar bhii na izhaar-e-tamannaa karanaa