Home | July '99 Index

Date: 12-Jul-99
Poet: Sir Mohammed Iqbal

mohabbat ke liye dil Dhuu.NDh ko_ii TuuTane vaalaa
ye vo may hai jise rakhate hai.n naazuk aabagiino.n me.n

[aabagiino.n = water bubbles]

saraapaa husn ban jaataa hai jisake husn kaa aashiq
bhalaa ai dil hasii.n aisaa bhii hai ko_ii hasiino.n me.n

[saraapaa = from head to toe]

numaayaa.N ho ke dikhalaade kabhii un ko jamaal apanaa
bahut muddat se charche hai.n tere baariik biino.n me.n

[baariik biino.n = critics]

Khaamosh ai dil merii mahafil me.n chillaanaa nahii.n achchhaa
adab pahalaa kariinaa hai mohabbat ke kariino.n me.n

[kariinaa = rule; kariino.n = followers]

buraa samajhuu.N u.nhe.n, mujh se to aisaa ho nahii.n sakataa
ki mai.n Khud bhii to huu.N "Iqbal" apane nuktaa-chiino.n me.n

[nuktaa-chiino.n = critics]