Home | August '99 Index

Date: 12-Aug-99
Poet: Akhtar Shirani

mastaanaa piye jaa yuu.N hii mastaanaa piye jaa
paimaanaa to kyaa chiiz hai maiKhaanaa piye jaa

kar garq may-o-jaam Gam-e-gardish-e-ayyaam
ab ai dil-e-naakaam tuu maiKhaanaa piye jaa

[garq = drown; Gam-e-gardish-e-ayyaam = sorrow of everyday life]

may-noshii ke aadaab se aagaah nahii.n tuu
jis tarah kahe saaqii-e-maiKhaanaa piye jaa

[may-noshii = drinking; aadaab = ways/traditions/rituals; aagaah = acquianted with]

is bastii me.n hai vahashat-e-mastii hii se hastii
diivaanaa ban aur baadaa-e-diivaanaa piye jaa

maiKhaane ke ha.ngaame.n hai.n kuchh der ke mehamaa.N
hai subah qariib "Akhtar" divaanaa piye jaa