Home | September '99 Index

Date: 10-Sep-99
Poet: Nooh Narvi

baiThe huye dete hai.n vo daaman se havaaye.n
allaah kare ham na kabhii hosh me.n aaye.n

beKhud yuu.N hii rakhe.ngii hame.n shoKh adaaye.n
jab saamane ho.n aap to kyaa hosh me.n aaye.n

pallaa rahe dono.n kaa mohabbat me.n baraabar
utanii hii vafaaye.n bhii ho.n jitanii ho.n jafaaye.n

ho lutf-e-inaayat kii ik had bhii muqarrar
rone lage ko_ii  na yahaa.N tak vo ha.Nsaaye.n

aur is ke sivaa "Nooh" ko aataa nahii.n kuchh bhii
yaaro.n me.n vo baiThe huye tuufaan uThaaye.n