Home | October '99 Index

Date: 29-Nov-99
Poet: Sufi Ghulam Mustafa 'Tabassum'

kuchh aur gum-raahii-e-dil kaa raaz kyaa hogaa
ik ajanabii thaa kahii.n raah me.n kho gayaa hogaa

[gum-raahii-e-dil = lost heart]

isii Khayaal se raate.n uja.D ga_ii.n apanii
ko_ii hamaarii bhii haalat ko dekhataa hogaa

tumhaare dil me.n kahaa.N merii yaad kaa paratau
vo ek halkaa saa baadal thaa chha.NT gayaa hogaa

[paratau = shadow]

vo jin kii raat tumhaare hii dam se raushan thii
jo tum vahaa.N se gaye hoge kyaa huaa hogaa