Home | January 2000 Index

Date: 15-Jan-2000
Poet: Ahmed Faraz

qurbato.n me.n bhii judaa_ii ke zamaane maa.Nge 
dil vo be-mehar ki rone ke bahaane maa.Nge 

[qurbat = closeness; be-mehar = cruel]

apanaa ye haal ke jii haar chuke, luT bhii chuke 
aur muhabbat vahii a.ndaaz puraane maa.Nge 

ham na hote to kisii aur ke charche hote 
khalkat-e-shahar to kahane ko fasaane maa.Nge 

[khalkat-e-shahar = denizens of the city]

dil kisii haal pe maane hii nahii.n jaan-e-Faraz 
mil gaye tum bhii to kyaa aur na jaane maa.Nge 


-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------