Home | January 2000 Index

Date: 20-Jan-2000
Poet: Miraji

nagarii nagarii phiraa musaafir ghar kaa rastaa bhuul gayaa 
kyaa hai teraa kyaa hai meraa apanaa paraayaa bhuul gayaa 

apanii biitii jag biitii hai jab se dil ne jaan liyaa 
ha.Nsate ha.Nsate jiivan biitaa ronaa dhonaa bhuul gayaa 

a.Ndhyaare se ek kiran ne jhaa.Nk ke dekhaa sharmaa_ii 
dhu.Ndh sii chhab to yaad rahii kaisaa thaa cheharaa bhuul gayaa 

ha.Nsii ha.NSii me.n khel khel me.n baat kii baat me.n ra.ng gayaa 
dil bhii hote hote aaKhir ghaav kaa risanaa bhuul gayaa 

ek nazar kii ek hii pal kii baat hai Dorii saa.Nso.n kii 
ek nazar kaa nuur miTaa jab ek pal biitaa bhuul gayaa 

jis ko dekho us ke dil me.n shiavaa hai to itanaa hai 
hame.n to sab kuchh yaad rahaa par ham ko zamaanaa bhuul gayaa 

ko_ii kahe ye kis ne kahaa thaa kah do jo kuchh jii me.n hai 
"Miraji" kah kar pachhataayaa aur phir kahanaa bhuul gayaa 

-------------------------------------------------
Attention Javed Akhtar fans! Take a look 
at this website dedicated to him, with 
biographical information, lyrics, sound clips 
and photographs.

http://www.javedakhtar.com

-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------