Home | January 2000 Index

Date: 22-Jan-2000
Poet: Naresh Kumar 'Shad'

jab bhii us gul-badan kii yaad aa_ii
ho ga_ii pur-bahaar tanhaa_ii

chau.Nk uThe haadasaat duniyaa ke
mere ho.nTho.n pe jab ha.Nsii aa_ii

[haadasaat = calamities]

jab kisii ne tumhaaraa naam liyaa
jaane kyuu.N mujh ko apanii yaad aa_ii

dekh ai sheKh mere saaGar me.n
apanii jannat kii jalvaa-faramaa_ii

[saaGar = wine-cup/goblet; jalvaa-faramaa_ii = view/manifestation]

hosh me.n "Shad" jab tujhe paayaa
tujh me.n ham ne terii kamii paa_ii

-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------