Home | January 2000 Index

Date: 25-Jan-2000
Poet: Jan Nissar Akhtar

zamaanaa aaj nahii.n Dagamagaa ke chalane kaa 
sambhal bhii jaa ki abhii vaqt hai sambhalane kaa 

bahaar aaye chalii jaaye phir chalii aaye 
magar ye dard kaa mausam nahii.n badalane kaa 

ye Thiik hai ki sitaaro.n pe ghuum aaye hai.n 
magar kise hai saliiqaa zamii.n pe chalane kaa 

[saliiqaa = good manners]

phire hai.n raato.n ko aavaaraa ham to dekhaa hai 
galii galii me.n samaa.N chaa.Nd ke nikalane kaa 

tamaam nashaa-e-hastii tamaam kaif-e-vajuud 
vo ik lamhaa tere jism ke pighalane kaa 

[kaif = intoxication/exhiliration; vajuud = existence]

-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------