Home | January 2000 Index

Date: 27-Jan-2000
Poet: Niyaz Barelvi


ham ko yaa.N dar dar phiraayaa yaar ne 
laamakaa.N me.n ghar banaayaa yaar ne 

[yaa.N = here; laamakaa.N = having no dwelling or place]

aap apane dekhane ke vaaste 
ham ko aa_iinaa banaayaa yaar ne 

apane ik adanaa tamaashe ke liye 
ham ko suulii par cha.Dhaayaa yaar ne 

[adanaa = small/tiny]

aap chhup ke ham ko kar ke ruu-bar-ruu 
Khuub hii rusvaa karaayaa yaar ne 

[ruu-ba-ruu = face to face/in front of]

aap to but ban ke kii jalvaa-garii 
aur hame.n kaafir banaayaa yaar ne 

[jalvaa-garii = manifestation; kaafir = infidel/impious]

zer-e-shaan-e-beniyaazii khul ga_ii 
jis taraf ruKh ko phiraayaa yaar ne 


-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------