Home | February 2000 Index

Date: 16-Feb-2000
Poet: Faiz Ahmed Faiz

I apologize for the four day absence. I had to go 
out of town suddenly. No more delays, hopefully!


dono.n jahaa.N terii mohabbat me.n haar ke 
vo jaa rahaa hai koii shab-e-Gam guzaar ke 

viiraa.N hai maikadaa Khum-o-saaGar udaas hai 
tum kyaa gaye ke ruuTh gaye din bahaar ke 

[Khum = wine jar; saaGar = wine goblet]

ik fursat-e-gunaah milii, vo bhii chaar din 
dekhe hai.n ham ne hausale parvar-digaar ke 

duniyaa ne terii yaad se begaanaa kar diyaa 
tujh se bhii dil fareb hai.n Gam rozagaar ke 

bhuule se muskuraa to diye the vo aaj 'Faiz' 
mat puuchh val-vale dil-e-naa-kardaakaar ke 

[val-vale = ethusiasm; naa-kardaakaar = powerless/defeated]


-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------