Home | February 2000 Index

Date: 29-Feb-2000
Poet: Daag Dehlvi

A ghazal from Farida Khanum's album titled
'Excellence of Farida Khanum'

uzr aane me.n bhii hai aur bulaate bhii nahii.n 
baa_is-e-tark-e-mulaaqaat bataate bhii nahii.n 

[uzr = excuse; baa_is = reason; tark = give up]

Khuub pardaa hai ke chilaman se lage baiThe hai.n 
saaf chhupate bhii nahii.n saamane aate bhii nahii.n 

ho chukaa qat'a-e-ta'alluq to jafaae.n kyo.n ho.n 
jin ko matalab nahii.n rahataa vo sataate bhii nahii.n 

[qat'a-e-ta'alluq = severing of connection/separation]

ziist se ta.ng ho ai "DaaG" to jiite kyo.n ho 
jaan pyaarii bhii nahii.n jaan se jaate bhii nahii.n 

[ziist = life]


-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------