Home | April 2000 Index

Date: 07-Apr-2000
Poet: Daag Dehlvi

pukaaratii hai Khaamoshii merii fuGaa.N kii tarah 
nigaahe.n kahataii hai.n sab raaz-e-dil zubaa.N kii tarah 

[Khaamoshii - silence; fuGaa.N = wail/cry of pain; raaz = secret]

jalaa ke daaG-e-muhabbat ne dil ko Khaak kiyaa 
bahaar aa_ii mere baaG me.n Khizaa.N kii tarah 

[Khizaa.N = autumn/decay]

talaash-e-yaar me.n chho.Dii na sar-zamii.n ko_ii 
hamaare paa.Nv me.n chakkar hai.n aasmaa.N kii tarah 

[talaash = search; sar-zamii.n = region/territory]

adaa-e-matlab-e-dil hamase siikh jaaye ko_ii 
u.nhe.n sunaa hii diyaa haal daastaa.N kii tarah 

[adaa = style; matlab = meaning; daastaa.N = story]

-------------------------------------------------
Important: 

From now onwards, I will not be posting on weekends. 

-------------------------------------------------
Mehfil-e-Gazal Archive:
http://www.geocities.com/Paris/Rue/8764/

Nita's Urdu Poetry Archive:
http://www.urdupoetry.com

Please forward all your queries to moderator@urdupoetry.com
--------------------------------------------------