Home | May 2000 Index

Date: 26-May-2000
Poet: Qamar Jalalwi


meraa Khaamosh rah kar bhii u.nhe.n sab kuchh sunaa denaa 
zabaa.N se kuchh na kahanaa dekh kar aa.Nsuu bahaa denaa 


nasheman ho na ho ye to falak kaa mashGalaa Thaharaa 
ki do tinake jahaa.N par dekhanaa bijalii giraa denaa 

[mashGalaa = occupation/work]


ijaazat ho to kah duu.N qissaa-e-ulfat sar-e-mahafil 
mujhe kuchh to fasaanaa yaad hai kuchh tum sunaa denaa 

[qissaa-e-ulfat = story of love; sar-e-mahafil = in the gathering]


mai.n mujarim huu.N mujhe iqaraar hai jurm-e-muhabbat kaa 
magar pahale Khataa par Gaur kar lo phir sazaa denaa 

[mujarim = criminal; iqaraar = confess; jurm-e-muhabbat = crime of love]
[Khataa = mistake/fault; Gaur karanaa = to deliberate upon]


mai.n is haalat me.n pahu.Nchaa hashr vaale Khud pukaar uThe 
ko_ii fariyaad karane aa rahaa hai raastaa denaa 



--------------------------------------------------
Mehfil-e-Gazal Archive:
http://www.geocities.com/urdu_poetry/

Urdu Poetry Archive:
http://www.urdupoetry.com

E-mail your queries to moderator@urdupoetry.com
--------------------------------------------------