Meg Index | June 2000 Index

Date: 14-Jun-2000
Poet: Kaifi Azmi


sunaa karo merii jaa.N in se un se afsaane 
sab ajanabii hai.n yahaa.N kaun kis ko pahachaane 

yahaa.N se jald guzar jaa_o qaafile vaalo
hai.n merii pyaas ke phuu.Nke huye ye viiraane 

merii junuun-e-parastish se tang aa gaye log 
sunaa hai band kiye jaa rahe hai.n but_Khaane 

[junuun-e-parastish = zeal/madness of worship]

jahaa.N se pichhale pahar ko_ii tashnaakaam uThaa 
vahii.n pe to.De hai.n yaaro.n ne aaj paimaane 

[tashnaakaam = one who is thirsty; paimaane = wine goblets]

bahaar aaye to meraa salaam kah denaa 
mujhe to aaj talab kar liyaa hai seharaa ne

[talab = demand; seharaa = desert]


--------------------------------------------------
Mehfil-e-Gazal Archive:
http://www.geocities.com/urdu_poetry/

Urdu Poetry Archive:
http://www.urdupoetry.com

E-mail your queries to moderator@urdupoetry.com
--------------------------------------------------