Meg Index | August 2000 Index

Date: 9-Aug-2000
Poet: Shad Azeemabadi


Dhuu.NDoge agar mulko.n mulko.n milane ke nahii.n naayaab hai.n ham 
taabiir hai jis kii hasarat-o-Gam ai ham-nafso vo Khvaab hai.n ham 

[naayaab = rare/difficult to find; taabiir = interpretation of dream] 


mai.n hairat-o-hasarat kaa maaraa Khaamosh kha.Daa huu.N saahil pe 
dariyaa-e-mohabbat kahataa hai aa kuchh bhii nahii.n paayaab hai.n ham 

[paayaab = shallow] 


ai dard-e-mohabbat kuchh tuu hii bataa ab tak ye muammaa hal na huaa 
ham me.n hai.n dil-e-betaab nihaa.N yaa aap dil-e-betaab hai.n ham 

[muammaa = puzzle; nihaa.N = hidden]


murGaan-e-qafas ko phuulo.n ne ai "Shaad" ye kahalaa bhejaa hai 
aa jaao jo tum ko aanaa ho aise me.n abhii shaadaab hai.n ham 

[murGaan = birds; qafas = cage; shaadaab = fresh] 



--------------------------------------------------
Mehfil-e-Gazal Archive:
http://www.geocities.com/urdu_poetry/

Urdu Poetry Archive:
http://www.urdupoetry.com

E-mail your queries to moderator@urdupoetry.com
--------------------------------------------------