Meg Index | August 2000 Index

Date: 28-Aug-2000
Poet: Ali Sardar Jafri


The title of the nazm is "Gam kaa Sitaaraa"


merii vaadii me.n vo ik din yuu.N hii aa nikalii thii
rang aur nuur kaa bahataa huaa dhaaraa ban kar

[vaadii = valley; nuur = light]


mahafil-e-shauq me.n ik dhuum machaa dii us ne
Khalvat-e-dil me.n rahii anjuman-aaraa ban kar

[mahafil-e-shauq = gathering of love; Khalvat-e-dil = solitude/loneliness of the heart]
[anjuman-aaraa = one who adorns a meeting]


sholaa-e-ishq sar-e-arsh ko jab chhune lagaa
u.D ga_ii vo mere siine se sharaaraa ban kar

[sar-e-arsh = seventh heaven; sharaaraa = spark]


aur ab mere tasavvur kaa ufaq roshan hai
vo chamakatii hai jahaa.N Gam kaa sitaaraa ban kar

[tasavvur = imagination; ufaq = horizon]


--------------------------------------------------
Mehfil-e-Gazal Archive:
http://www.geocities.com/urdu_poetry/meg/

Urdu Poetry Archive:
http://www.urdupoetry.com

To unsubscribe, send a blank e-mail to 
urdu_poetry-unsubscribe@egroups.com 

For all other queries, send an e-mail to 
moderator@urdupoetry.com
--------------------------------------------------