Meg Index | September 2000 Index

Date: 7-Sep-2000
Poet: Hasrat Jaipuri

This ghazal brings to mind Ahmed Faraz's famous 
ghazal "ranjish hii sahii..."


shole hii sahii aag lagaane ke liye aa
phir tuur ke manzar ko dikhaane ke liye aa

[tuur = a mountain; manzar = view]


ye kis ne kahaa hai merii taqadiir banaa de
aa apane hii haatho.n se miTaane ke liye aa


ai dost mujhe gardish-e-haalaat ne gheraa
tuu zulf kii kamalii me.n chhupaane ke liye aa

[gardish-e-haalaat = ; kamalii = ]

diivaar hai duniyaa ise raaho.n se haTaa de
har rasm muhabbat kii miTaane ke liye aa

[rasm = tradition]

matalab terii aamad se hai daramaa.N se nahii.n
"Hasrat" kii qasam dil hii dukhaane ke liye aa

[aamad = coming; daramaa.N = cure]


--------------------------------------------------
Mehfil-e-Gazal Archive:
http://www.geocities.com/urdu_poetry/meg/

Urdu Poetry Archive:
http://www.urdupoetry.com

To unsubscribe, send a blank e-mail to 
urdu_poetry-unsubscribe@egroups.com 

For all other queries, send an e-mail to 
moderator@urdupoetry.com
--------------------------------------------------