Meg Index | October 2000 Index

Date: 02-Oct-2000
Poet: Kafeel Aazer

Ghazal lovers may have heard of this poet. He wrote the lovely nazm 
sung by Jagjit Singh - "baat nikalegii to phir duur talak jaayegii".
Here is a ghazal by the same poet:


dekh lo Khvaab magar Khvaab kaa charchaa na karo
log jal jaayenge suuraj kii tamannaa na karo


vaqt kaa kyaa hai kisii pal bhii badal sakataa hai
ho sake tum se to tum mujh pe bharosaa na karo


kirchiyaa.N TuuTe hue aks kii chubh jaayengii
aur kuchh roz abhii aa_iinaa dekhaa na karo

[aks = reflection]


ajanabii lagane lage Khud tumhe.n apanaa hii vajuud
apane din raat ko itanaa bhii akelaa na karo


Khvaab bachcho.n ke khilauno.n kii tarah hote hai.n
Khvaab dekhaa na karo Khvaab dikhaayaa na karo


be-Khayaalii me.n kabhii u.Ngaliyaa.N jal jaayengii
raakh guzare hue lamho.n kii kuredaa na karo


mom ke rishte hai.n garmii se pighal jaayenge
dhuup ke shahar me.n "Aazer ye tamaashaa na karo

[mom = wax]

--------------------------------------------------
Mehfil-e-Gazal Archive:
http://www.geocities.com/urdu_poetry/meg/

To subscribe: send an e-mail to 
urdu_poetry-subscribe@eGroups.com

To unsubscribe, send an e-mail to 
urdu_poetry-unsubscribe@eGroups.com

For all other queries, send an e-mail to 
moderator@urdupoetry.com
--------------------------------------------------