Meg Index | October 2000 Index

Date: 20-Oct-2000
Poet: Yahya Jasdanwala

We end this week's post with the last ghazal from 
the album "Malika-e-Ghazal Begum Akhtar in Mehfil"


jaan-e-sukuun aa bhii jaa teraa hii intazaar hai
aa.Nkho.n se ashk hai ravaa.N jaa.N bhii beqaraar hai


hone ko fasl-e-gul bhii hai daavat-e-aish hai magar
apanii bahaar kaa mujhe aaj bhii intazaar hai


saare sahaare ishq ke TuuT chuke hai.n hijr me.n
ek tumhaarii yaad bas dard kii Gam-gusaar hai

[Gam-gusaar = sympathiser]


ahad-e-vafaa kaa aap ke lutf-o-karam kaa aap ke
aur kisii ko ho na ho mujh ko aitabaar hai


luT ga_ii Gam kii aabaruu luT chukii dil kii aarazuu
"Yahya" nigaah-e-lutf kaa phir bhii ummiid-vaar hai


--------------------------------------------------
Mehfil-e-Gazal Archive:
http://www.mehfil-e-gazal.net

To subscribe: send an e-mail to 
urdu_poetry-subscribe@eGroups.com

To unsubscribe, send an e-mail to 
urdu_poetry-unsubscribe@eGroups.com

For all other queries, send an e-mail to 
moderator@urdupoetry.com
--------------------------------------------------