Meg Index | December 2000 Index

Date: 15-Dec-2000
Poet: Makhdoom Moihuddin


ishq ke shole ko bha.Dakaao ke kuchh raat kaTe 
dil ke angaar ko dahakaao ke kuchh raat kaTe 

hijr me.n milane shab-e-maah ke Gam aaye hai.n 
chaaraasaazo.n ko bhii bulavaao ke kuchh raat kaTe 

chashm-o-ruKhsar ke azagaar ko jaarii rakkho 
pyaar ke naGme ko doharaao ke kuchh raat kaTe 

koh-e-Gam aur garaa.N aur garaa.N aur garaa.N 
Gamzaa-o-tesh ko chamakaao ke kuchh raat kaTe