Meg Index | February 2001 Index

Date: 20-Feb-2001
Poet: Faiz Ahmed Faiz


Today's nazm is titled "Bahaar Aayii". It was written in 
April 1975 and published in "Shaam-e-Shahr-e-YaaraaN".


bahaar aa_ii to jaise ek baar
lauT aaye hai.n phir adam se
vo Khvaab saare, shabaab saare
jo tere ho.nTho.n pe mar miTe the
jo miT ke har baar phir jiiye the
nikhar gaye hai.n gulaab saare
jo terii yaado.n se mushk_buu hai.n
jo tere ushshaaq kaa lahuu hai.n

ubal pa.De hai.n azaab saare
malaal-e-ahavaal-e-dostaa.N bhii
Khumaar-e-aaGosh-e-mahavashaa.N bhii
Gubaar-e-Khaatir ke baab saare
tere hamaare
savaal saare, javaab saare
bahaar aa_ii to khul gaye hai.n
naye sire se hisaab saare

[mushk_buu = musk like fragrance; ushshaaq = lovers]
[azaab = difficulties/pain]
[malaal-e-ahavaal-e-dostaa.N = sorrow at friends' condition]
[Khumaar-e-aaGosh-e-mhavashaa.N = intoxication of being in one's beloved's embrace]