Meg Index | April 2001 Index

Date: 02-Apr-2001
Poet: Munir Niazi


us bevafaa kaa shahar hai aur ham hai.n dosto
ashk-e-ravaa.N kii nahar hai aur ham hai.n dosto

[ashk-e-ravaa.N = flowing tears]

shaam-e-aalam Dhalii to chalii dard kii havaa 
raato.n kaa pichhalaa pahar hai aur ham hai.n dosto


aa.Nkho.n me.n u.D rahii hai luTii mahafilo.n kii dhuul 
ibrat baar-e-dahar hai aur ham hai.n dosto


ye ajanabii sii manzile.n aur raftagaa.N kii yaad 
tanhaa_iyo.n kaa zahar hai aur ham hai.n dosto

[raftagaa.N=departed ones]