Meg Index | April 2001 Index

Date: 10-Apr-2001
Poet: Firaq Gorakhpuri


Gair kyaa jaaniye kyo.n mujh ko buraa kahate hai.n 
aap kahate hai.n jo aisaa to bajaa kahate hai.n 

[bajaa = correct]

vaaqa_ii tere is andaaz ko kyaa kahate hai.n 
na vafaa kahate hai.n jis ko na jafaa kahate hai.n 

[vaaqa_ii = truthfully/in reality]

ho jinhe.n shaq vo kare.n aur Khudaao.n kii talaash 
ham to insaan ko duniyaa kaa Khudaa kahate hai.n 

terii suurat nazar aa_ii terii suurat se alag 
husn ko ahal-e-nazar husn_numaa kahate hai.n 

shikavaa-e-hijr kare.n kis dil se 
ham Khud apane ko bhii apane se judaa kahate hai.n 

terii ruudaad-e-sitam kaa hai bayaa.N naamumkin 
faayadaa kyaa hai magar yuu.N zaraa kahate hai.n 

[ruudaad = tale/story]

log jo kuchh bhii kahe.n terii sitam_koshii ko 
ham to in baato.n ko achchhaa na buraa kahate hai.n 

auro.n kaa tajurbaa jo kuchh ho magar ham to 'Firaq'
talKhii-e-ziist ko jiine kaa mazaa kahate hai.n 

[talKii = bitterness; ziist = life]