Meg Index | October 2001 Index

Date: 08-Oct-2001
Poet: Taskeen Qureshi


ab to yahii hai.n dil kii duaaye.n
bhuulane vaale bhuul hi jaaye.n

vajah-e-sitam kuchh ho to bataaye.n
ek mohabbat laakh Khataaye.n

dard-e-mohabbat dil me.n chhupaayaa
aa.Nkh ke aa.Nsuu kaise chhupaaye.n

hosh aur un kii diid kaa daavaa
dekhanevaale hosh me.n aaye.n

dil ki tabaahii bhuule nahii.n ham
dete hai.n ab tak unko duaaye.n

rang-e-zamaanaa dekhanevaale
un kii nazar bhii dekhate jaaye.n

shaGl-e-mohabbat ab hai ye 'Taskii.n'
sher kahe.n aur jii bahalaaye.n