Meg Index | October 2001 Index

Date: 16-Oct-2001
Poet: Munir Niazi


Khalish-e-hijr-e-daayamii na ga_ii
tere ruKh se ye beruKhii na ga_ii

puuchhate hai.n ke kyaa huaa dil ko
husn vaalo.n kii saadagii na ga_ii

sar se saudaa gayaa muhabbat kaa
dil se par is kii bekalii na ga_ii

aur sab kii hikaayate.n kah dii.n
baat apanii kabhii kahii na ga_ii

ham bhii ghar se 'Munir' tab nikale
baat apano.n kii jab sahii na ga_ii