Meg Index | November 2001 Index

Date: 28-Dec-2001
Poet: Umeed Fazli


kab talak pyaas ke saharaa me.n jhulasate jaaye.n
ab ye baadal jo uThe hai.n to barasate jaaye.n

[jhulasanaa = to get scorched/burnt]

kaun batalaaye tumhe.n kaise vo mausam hai.n ki jo
mujh se hii duur rahe.n mujh me.n hii basate jaaye.n

haaye kyaa log ye aabaad huye hai.n mujh me.n
pyaar ke lafz likhe.n lahaje se Dasate jaaye.n

[lahajaa = manner/style]

aa_iinaa dekhuu.N to ik chehare ke be-rang nuquush
ek naadiiddaa-sii zanjiir me.n kasate jaaye.n

[nuquush - portrait/sketch; naadiidaa = unseen]

juz muhabbat kise aayaa hai mayassar ummiid
aisaa lamhaa ki jidhar sadiyo.n ke raste jaaye.n

[juz = except; mayassar = available]