Meg Index | April 2002 Index

Date: 19-Apr-2002
Poet: Parveen Shakir


dast-e-shab par dikhaa_ii kyaa dengii 
silavaTe.n roshanii me.n ubharengii 
 
ghar kii diivaare.n mere jaane par 
apanii tanhaa_iyo.n ko sochengii 
 
u.Ngaliyo.n ko taraash duu.N phir bhii 
aadatan us kaa naam likkhengii 
 
rang-o-buu se kahii.n panaah nahii.n 
Khvaahishe.n bhii kahaa.N amaa.N dengii 
 
ek Khushbuu se bach bhii jaa_uu.N agar 
duusarii nikahate.n jaka.D lengii 
 
khi.Dakiyo.n par dabiiz parde ho.n 
baarishe.n phir bhii dastake.n dengii