Meg Index | June 2002 Index

Date: 23-Jul-2002
Poet: Taj Saeed


pukaaratii rahii kuchh der tak havaa mujh ko
samajh sakaa na zaraa bhii ki kyaa kahaa mujh ko

bahaar ho ki Khizaa.N mere dil ke gul_shan me.n
sunaayaa karatii hai ik dukh bharii sadaa mujh ko

[Khizaa.N - autumn]

nigaah me.n vahii manzar hai mausam-e-gul kaa
rulaa rahaa hai abhii ek haadasaa mujh ko

[manzar = scene]

biga.D-biga.D ga_ii hai.n zehan me.n vo tasviire.n
faqat jo yaad rahii terii ik adaa mujh ko

mai.n muntazir huu.N ko_ii mujh ko bhii manaayegaa
na dii kisii ne abhii tak ko_ii sadaa mujh ko

[muntazir = waiting]