Meg Index | June 2002 Index

Date: 30-Jul-2002
Poet: Prem Warbartoni


merii tanhaa_iyo.n tum hii lagaa lo mujh ko siine se 
ki mai.n ghabaraa gayaa huu.N is tarah ro-ro ke jiine se 

ye aadhii raat ko phir chuu.Diyo.n sii kyaa chhanakatii hai 
ko_ii aataa hai yaa merii hii zanjiire.n khanakatii hai.n 
ye baate.n kis tarah puuchhuu.N mai.n saavan ke mahiine se 

mujhe piine do apane hii lahuu kaa jaam piine do 
na siine do kisii ko bhii meraa daaman na siine do 
merii vahashat na ba.D jaaye kahii.n daaman ke siine se