Meg Index | September 2003 Index

Date: 16-Sep-2003
Poet: Sikander Ali Wajd

shamiim-e-zulf-e-yaar aaye na aaye
mere dil ko qaraar aaye na aaye

abhii aayaa hai hosh yaad-e-jaanaa.N
na ta.Dapaa, baar-baar aaye na aaye

chiraaG-e-zindagaanii bujh rahaa hai
vo jaan-e-intazaar aaye na aaye

kiyaa jo tum ne apane dil se puuchho
hamaaraa aitabaar aaye na aaye

nigaah-e-ahal-e-gul_shan kah rahii hai
Khizaa.N jaaye bahaar aaye na aaye

ba.Dhegaa kaaravaa.N manzil-ba-manzil
Gubaar-e-raah_guzar aaye na aaye