Meg Index | September 2003 Index

Date: 23-Sep-2003
Poet: Andleeb Shadani

vo alam_kasho.n kaa milanaa vo nishaat-o-Gam ke saaye
kabhii ro pa.Daa tabassum kabhii ashk muskuraaye

[alam_ksh = sad/grief-striken people; nishaat = happiness]
[tabassum = smile]

ye ufaq se chaa.Nd ubharaa ye shafaq kaa nuur phailaa
ki terii ziyaa-e-ruuh se dar-o-baam jagamagaaye

[ufaq = zenith (highest point); shafaq = twilight]
[ziyaa = brilliance]

ba-hazaar naamuraadii jise umr bhar saraahaa
use bevafaa kahuu.N ab ye jigar kahaa.N se aaye

ye bahaar kyaa karegii merii dard kaa madaavaa
na vo bijaliyaa.N nazar kii na vo gesuuo.n ke saaye

[madaavaa = cure]

meraa soz-e-vaalihaanaa merii sham-e-zindagaanii
kahii.n naamuraadiyo.n me.n ye chiraaG bujh na jaaye