Lafz Index | Lafz FAQ | Lafz Archive

Date: 16-Mar-2000
Word of the Day: 'zer'

Meaning:
zer - 1) under 2) weak 3) defeated

Couplet:
zer kaun kar sakataa kis me.n itanii himmat thii 
mujhako us kii mahafil me.n hairato.n ne aa gheraa
[Unknown]

Associated words:

zer-e-baar - obliged/thankful
zer-e-aab - submerged
zer-e-Gaur - under consideration
zer-e-lab - in a whisper
zer-o-zabar - topsy-turvy

Some more couplets:

phir chalii hai rel isTeshan se laharaatii hu_ii 
niim-shab kii Khaamoshii me.n zer-e-lab gaatii hu_ii 
[Majaz]

phir jii me.n hai ki dar pe kisii ke pa.De rahe.n 
sar zer-e-baar-e-minnat-e-darbaa.N kiye hue 
[Ghalib]

ham se ai garadish-e-dauraa.N tujhe kyaa lenaa hai 
ek hii dil hai so vo zer-o-zabar rakhate hai.n 
[Jamil Malik]